සාමාන්‍ය සහ ඉලෙක්ට්‍රොනික දුම්වැටි යන දෙවර්ගයම භාවිත කරන්නන් අක්ෂි ආබාධවලට ගොදුරුවීමේ ප්‍රවණතාවය ඉතා ඉහළ මට්ටමක පවතින බවට අනාවරණය වී තිබෙනවා.
ඇස් වේදනාව – කඳුලු ගැලීම – රත් පැහැ වීම – ඇස් වියළීම වැනි තත්වයන් එහි පූර්ව ලක්ෂණ බවටයි හඳුනාගෙන ඇත්තේ.
අවුරුදු 13 ත් 24 ත් අතර තරුණයන් 4,351 දෙනෙකු සහභාගී කරගනිමින් සිදුකල සමීක්ෂණයකදී මෙම තොරතුරු හෙළිකරගෙන තිබෙනවා.
සාමාන්‍ය දුම්වැටිවලට වඩා ඉලෙක්ට්‍රොනික දුම්වැටිවල බලපෑම අඩු බවටද මෙහිදී අනාවරණය වී ඇති බව සඳහන්.
එහෙත් එම වර්ග දෙකම භාවිත කිරීමේදී අක්ෂි ආබාධවලට ගොදුරුවීමේ ඉහළ අවධානමක් පවතින බවටයි මෙහිදී හඳුනාගෙන ඇත්තේ.
