ස්වදේශික ජනතා හඩ ජනමත විචාරණය පැවැත්වෙන දිනය ලබන බදාදා ඇඩිලේඩ් නුවරදී අගමැති ඇන්තනී ඇල්බනීස් විසින් නිවේදනය කිරීමට නියමිත බව අග්‍රාමාත්‍ය කාර්යාලය අද දැනුම් දුන්නා.
සති 06 ක ප්‍රචාරණ කාලසීමාවක් සඳහා ඉඩ සළසමින් බොහෝ දුරට ඔක්තෝබර් 14 වනදා රට පුරා ජනමත විචාරණය පැවැත්වෙනු ඇති බවටයි අනාවැකි පළවන්නේ.
මෙම යෝජනාව සම්මත කරගැනීමට සහය වන්නැයි පසුගිය සතියේදී පැවති ලේබර් පක්ෂ සමුලුවේදීත් අගමැතිවරයා විසින් ඉල්ලීමක්ද කරනු ලැබුවා.
අවසන් වරට ඔස්ට්‍රේලියාව තුළදී ජනමත විචාරණයක් පවත්වා තිබුණේ 1999 වසරේදීයි.
ස්වදේශික ජනතාව ඔස්ට්‍රේලියානු ජනගහණයට ඇතුළත් කරගත යුතුද යන්න සම්බන්ධයෙන් 1967 වසරේදී ජනමත විචාරණයක් පවත්වා තිබුණා.
එහි ප්‍රචාරණ කටයුතු ද නිල වශයෙන් ප්‍රකාශයට පත් කර තිබුණේ දකුණු ඔස්ට්‍රේලියාවේදීයි.
