ස්වදේශික හඩ ජනමත විචාරණයේදී ඊට පක්ෂව සහාය දැක්වීමට ඔස්ට්‍රේලියාවේ ජාතික ගුවන් සේවය වන ක්වන්ටාස් ගුවන් සේවය තීරණය කර තිබෙනවා.
ඒ අනුව සිය ගුවන් යානා 03 ක ඊට අදාළ විශේෂ ලාංඡනයක් ප්‍රදර්ශනය කිරීමටයි ඔවුන් සැළසුම් කර ඇත්තේ.
අගමැති ඇන්තනී ඇල්බනීස් සහ ක්වන්ටාස් ප්‍රධාන විධායක නිලධාරි ඇලන් ජොයිස් විසින් අද පෙරවරුවේ සිඩ්නි ගුවන් තොටුපළේදී ඒකාබද්ධව පැවැත්වූ මාධ්‍ය හමුවකදී මෙම තොරතුරු අනාවරණය කෙරුණා.
ස්වදේශික ජනතාවට නිසි අයිතිවාසිකම් ලැබිය යුතුය යන්න දීර්ඝ කාලයක සිට ක්වන්ටාස් සමාගමේ ප්‍රතිපත්තියක් වන බවයි ඇලන් ජොයිස් මෙහිදී කියාසිටියේ.
ඒ හරහා ඔවුන්ගේ සෞඛ්‍යය – අධ්‍යාපන ඇතුලු අයිතිවාසිකම් රැසක් සුරක්ෂිත වන බවයි ක්වන්ටාස් සමාගමේ ස්ථාවරය වන්නේ.
