ඔස්ට්‍රේලියානු රියදුරු බලපත්‍රය නිකුත් කිරීමේ එක් කොන්දේසියක් ලෙස ප්‍රථමාධාර පුහුණුවද අනිවාර්ය කිරීමේ යෝජනාවක් ඉදිරිපත් වී තිබෙනවා.
ශාන්ත ජෝන් ගිලන් රථ සේවය විසිනුයි එම අදහස ඉදිරිපත් කර ඇත්තේ.
පසුගිය වසර තුළ වැඩිම මාරක රිය අනතුරු වාර්තා වූ ක්වීන්ස්ලන්ඩ් හි ප්‍රාන්ත රජයට ඔවුන් දැනටමත් එම යෝජනාව ඉදිරිපත් කර අවසන්.
රිය අනතුරු මරණවලින් සැළකිය යුතු සංඛ්‍යාවක් ප්‍රථමාධාර භාවිතයෙන් වළක්වාගත හැකි බවටයි විශ්වාස කෙරෙන්නේ.
යුරෝපයේ රටවල් 10 ක රියදුරු බලපත්‍රය නිකුත් කිරීමේදී ප්‍රථමාධාර පාඨමාලාවක් හදාරා තිබීම අනිවාර්ය කොන්දේසියක් බවට ප්‍රකාශයට පත් කර තිබෙනවා.
