නිවු සවුත් වේල්ස් ප්‍රාන්තයේ රාජ්‍ය සේවකයන් සඳහා දැනට බලාත්මක උපරිම වැටුප් සීමාව ඉවත් කිරීමට ප්‍රාන්ත රජය තීරණය කර තිබෙනවා.
සෞඛ්‍ය ඇතුලු අත්‍යවශ්‍ය සේවා රැසක දැනට පවතින සේවක හිගය මගහරවාලීමේ අරමුණ ඇතිවයි ලබන මාසයේ සිට මෙම උපරිම වැටුප් සීමාව ඉවත් කිරීමට පියවර ගෙන ඇත්තේ.
එමෙන්ම ලබන වසරේ සිට සේවක වැටුප් සියයට 4.5 කින් ඉහළ දැමීමටත් නිවු සවුත් වේල්ස් ප්‍රාන්ත රජය සැළසුම් කර තිබෙනවා.
ඒ සඳහා ඩොලර් මිලියන 600 ක පමණ අමතර පිරිවැයක් දැරීමට සිදුවනු ඇති බවටයි ගණන් බලා ඇත්තේ.
දැනට නිවු සවුත් වේල්ස් හි පවතින නීතිට අනුව ලබාදිය හැකි උපරිම වැටුප් වැඩි කිරීම් ප්‍රතිශතය සියයට 2.5 ක්.
පසුගිය මාර්තු මස පැවති ප්‍රාන්ත මැතිවරණයේදී ලබාදුන් පොරොන්දුවක් අනුවයි මෙම වැටුප් වැඩිකිරීම සිදුකර ඇත්තේ.
