පෙර වසරට සාපේක්ෂව ගතවූ මාස 12 තුළදී රිය අනතුරු මරණ සංඛ්‍යාව වැඩිවීමේ ඉහළම ප්‍රතිශතය වික්ටෝරියා ප්‍රාන්තයෙන් සටහන් වී තිබෙනවා.
ජූනි 30 වනදායින් අවසන් වූ මාස 12 තුළදී වික්ටෝරියාවෙන් රිය අනතුරු මරණ 275 ක් වාර්තා වී ඇති අතර එය පෙර වසරට වඩා සියයට 13.2 ක ඉහළ යාමක්.
සංඛ්‍යාත්මකව වැඩිම රිය අනතුරු මරණ නිවු සවුත් වේල්ස් ප්‍රාන්තයෙන් සටහන් වී ඇත්තේ 317 ක් ලෙසයි.
එය පෙර වසරට වඩා සියයට 12.8 ක ඉහළ යාමක් ලෙස වාර්තා වනවා.
ක්වීන්ස්ලන්ඩ් ප්‍රාන්තයෙන් මරණ 271 ක් වාර්තා වුවද එය පෙර වසරට වඩා සියයට 7.2 ක අඩුවීමක් වීම විශේෂත්වයක්.
සමස්තයක් ලෙස මුලු ඔස්ට්‍රේලියාවන්ම පසුගිය මාස 12 තුළදී රිය අනතුරු මරණ 1,205 ක් වාර්තා වන අතර එය පෙර වසරට වඩා සියයට 3.2 ක ඉහළයාමක් වනවා.
ක්වීන්ස්ලන්ඩ් ප්‍රාන්තයට අමතරව රිය අනතුරු මරණ අඩුවී ඇත්තේ ටස්මේනියා – ACT සහ Northern Territory යන ප්‍රාන්තවල පමණයි.
