ඔස්ට්‍රේලියාවේ සරණාගත බව පතන පිරිස අතර පළමු ස්ථානයට ශ්‍රී ලාංකිකයින් පත්වී තිබෙනවා.
සරණාගතභාවය අපේක්ෂා කරන පුද්ගලයින් සම්බන්ධයෙන් Refugee Council Australia මගින් නිකුත් කල නවතම දත්ත වලට අනුවයි මෙම තොරතුරු අනාවරණය වී ඇත්තේ.
වික්ටෝරියා ප්‍රාන්තය තුල Bridging visa E (BVE) යන වීසා බලපත්‍රය මත සිටින පිරිසෙන්, ශ්‍රී ලාංකිකයින් පළමු ස්ථානයක් ගන්නා අතර එම සංඛ්‍යාව 1,416 ක්.
පිළිවෙලින් ඉරානය දෙවන ස්ථානයේත් පකිස්ථානය තුන්වන ස්ථානයේත් පසුවනවා.
නිව් සවුත් වේල්ස් ප්‍රාන්තය තුළද Bridging visa E (BVE) යන වීසා බලපත්‍රය මත සිටින පිරිසෙන් ශ්‍රී ලාංකිකයින් ප්‍රමුඛ ස්ථානයට පත්ව ඇති අතර එම සංඛ්‍යාව 1,263 ක් බවටයි හඳුනාගෙන ඇත්තේ.
නිව් සවුත් වේල්ස් ප්‍රාන්තය තුල Bridging visa මත සිටින සෙසු ජාතීන් ගත් කල, පිළිවෙලින් ඉරානය දෙවන ස්ථානයේත් බංග්ලාදේශය තුන්වන ස්ථානයේත් පසුවනවා.
ඔස්ට්‍රේලියාවේ ප්‍රාන්ත වශයෙන් ගත් කල අනෙකුත් සෑම ප්‍රාන්තයකම පාහේ සරණාගත බව පතන පිරිස් අතුරින් ද පළමු ස්ථානයට පත්ව ඇත්තේ ශ්‍රී ලාංකිකයින් බවයි Refugee Council Australia පෙන්වා දෙන්නේ.
Source / Credit : SBS – Refugee Council Australia
