මෙල්බන් – බ්‍රිස්බන් සහ සිඩ්නි නගරවල තෝරාගත් බැංකු ශාඛා කිහිපයක කවුන්ටර මගින් මුදල් ලබාගැනීමේ පහසුකම් අත්හිටුවීමට කොමන්වෙල්ත් බැංකුවද තීරණය කර තිබෙනවා.
කෙසේවෙතත් ඒ ටී එම් යන්ත්‍ර හරහා මුදල් තැන්පත් කිරීමට මෙන්ම ආපසු ගැනීමට තවදුරටත් අවස්ථාව පවතිනු ඇති.
කුමන බැංකු ශාඛාවල මෙම සංශෝධනය ක්‍රියාත්මක කරන්නේ දැයි කොමන්වෙල්ත් බැංකුව විසින් මේ දක්වා නිල වශයෙන් ප්‍රකාශයට පත් කර නැහැ.
ඉලෙක්ට්‍රොනික ගණුදෙනු ප්‍රවර්ධනය කිරීමේ අරමුණ ඇතිව මෙම පියවර ගන්නා බවයි කොමන්වෙල්ත් බැංකුව නිවේදනය කර සිටින්නේ.
ANZ බැංකුවද මේ හා සමාන ක්‍රියාමාර්ගයක් දැනටමත් අනුගමනය කරමින් සිටිනවා.
