ලොව බලගතුම විදේශ ගමන් බලපත්‍ර ලැයිස්තුවේ සම 06 වන ස්ථානය හිමිකර ගැනීමට ඔස්ට්‍රේලියාව සමත්වී තිබෙනවා.
එය පසුගිය වර දර්ශකයට වඩා ස්ථාන 02 ක් ඉදිරියට පැමිණීමක් වන අතර ඔස්ට්‍රේලියාව සමග හංගේරියාව සහ පෝලන්තයද සම 06 වන ස්ථානයි ලබාගෙන ඇත්තේ.
මෙම දර්ශකයට අනුව ඔස්ට්‍රේලියානු ගමන් බලපත් හිමියෙකුට වීසා රහිතව ගමන් කල හැකි රටවල් සංඛ්‍යාව 186 ක්.
මෙවර දර්ශකය අනුව පළමු ස්ථානයට පත්ව ඇත්තේ සිංගප්පූරුවයි.
ලොව පුරා රටවල් 227 කින් 192 කටම සිංගප්පූරු විදේශ ගමන් බලපත් ලාභියෙකුට වීසා නොමැතිව ගමන්කල හැකියි.
ශ්‍රී ලංකාවද මෙවර දර්ශකයේ ස්ථාන 08 ක් පෙරට පැමිණ ඇති අතර හිමිකරගෙන ඇත්තේ 95 වන ස්ථානයයි.
ශ්‍රී ලංකා පුරවැසියෙකුට වීසා රහිතව ගමන් කල හැකි රටවල් සංඛ්‍යාව 41 ක්.
