වික්ටෝරියා රජයට පොදුරාජ්‍ය ක්‍රීඩා උළෙලින් පහසුවෙන් ගැලවිය නොහැකි වන ළකුණු

පොදුරාජ්‍ය මණ්ඩලීය ක්‍රීඩා උළෙලේ සත්කාරකත්වයෙන් ඉවත්වීම වික්ටෝරියා රජයට ඉතා අසීරු වනු ඇති බවට මත පළවනවා.

ඇතැම්විට ඩොලර් බිලියන ගණනක වන්දියක් පවා පොදු රාජ්‍ය මණ්ඩලිය ක්‍රීඩා සම්මේලනයට ගෙවීමට ඔවුන්ට සිදුවනු ඇති බවටයි අනාවැකි පළවන්නේ.

කිසියම් රටකට හෝ ප්‍රාන්තයකට සත්කාරකත්වය ලබාදුන් පසු එය වෙනත් පාර්ශවයක් වෙත පිරිනැමීම සරළ ක්‍රියාදාමයක් නොවන බවයි 2018 ගෝල්ඩ් කෝස්ට් පොදු රාජ්‍ය මණ්ඩලීය ක්‍රීඩා උළෙලේ මෙහෙයුම් ප්‍රධානී පීටර් බීටි අවධාරණය කරන්නේ.

ඩොලර් බිලියන 07 ක් වැනි අධික පිරිවැයක් දැරීමට සිදුවීම හමුවේ 2026 පොදු රාජ්‍ය මණ්ඩලීය ක්‍රීඩා උළෙල් සත්කාරකත්වයෙන් ඉවත්වන බව වික්ටෝරියා ප්‍රාන්ත රජය ඊයේ නිල වශයෙන් නිවේදනය කරනු ලැබුවා.

පළමුවෙන් ඩොලර් බිලියන 2.6 ක් ලෙස පිරිවැය තක්සේරු කර තිබූ නමුත් මේ වනවිට එය 03 ගුණයකින් පමණ වැඩිවී ඇති බවයි ප්‍රාන්ත අගමැති ඩැනියල් ඇන්ඩෲස් සඳහන් කලේ.

මෙතෙක් වෙනත් කිසිදු රටක් එහි සත්කාරකත්වය වෙනුවෙන් ඉදිරිපත් වී නොමැති අතර තමන්ද ඊට සූදානම් නැතැයි නවසීලන්තය නිල වශයෙන් ප්‍රකාශ කර තිබෙනවා.

පවතින වාතාවරණය හමුවේ 02 වන ලෝක යුද්ධයෙන් පසු පළමු වරට පොදුරාජ්‍ය්‍ය මණ්ඩලීය ක්‍රීඩා උළෙලක් අවලංගු වීමේ අවධානමක්ද මේ අනුව නිර්මාණ වී ඇතැයි ක්‍රීඩා විද්වතුන් පෙන්වා දෙනවා.

චමරි අතපත්තු නැවතත් අංක එකට

ජාත්‍යන්තර ක්‍රිකට් කවුන්සිලයේ නවතම එක්දින ජාත්‍යන්තර පිතිකරණ ශ්‍රේණිගත කිරීම අනුව ශ්‍රී ලංකා කාන්තා ක්‍රිකට් නායිකා චමරි අතපත්තු පළමු ස්ථානයට පත්ව තිබෙනවා.

Read More »

ගිරවුන් වෙළඳාමට නතර කරන්න කැන්බරා විද්‍යාඥයින්ගෙන් නව වැඩසටහනක්

කැන්බරා සහ එක්සත් රාජධානියේ විද්‍යාඥයින් පිරිසක් එක්ව ගිරවුන් ජාවාරම් කිරීම වැළක්වීම සඳහා DNA තාක්ෂණය භාවිත කරමින් නව වැඩසටහනක් ආරම්භ කර තිබෙනවා.

Read More »

සමාජ මාධ්‍යයෙන් අසත්‍ය තොරතුරු ව්‍යාප්ත කරන අයට වැඩ වරදී

සමාජ මාධ්‍ය ඔස්සේ අසත්‍ය තොරතුරු ව්‍යාප්ත කරන්නන්ට එරෙහිව නීතිමය පියවර ගැනීමට සුදානම් බව ෆෙඩරල් රජය නිවේදනය කර තිබෙනවා.

Read More »

වල් ඌරන් නිසා නිව් සවුත්වේල්ස් ප්‍රාන්තයේ ගැටලුවක්

නිව් සවුත්වේල්ස් ප්‍රාන්තයේ වල් ඌරු ගහනය ඉහල යාම හේතුවෙන් එය පාලනය කිරීම සඳහා වැඩි වශයෙන් අරමුදල් යොදවන ලෙසට ගොවීන් ඉල්ලා ඇතැයි වාර්තා වනවා.

Read More »