ජූනි මාසයේ අවසන් සතියේ දින 08 ක් තුළදී ඉලෙක්ට්‍රොනික දුම්වැටි භාවිතයෙන් ඇතිවූ සංකූලතා හමුවේ තරුණයන් 06 දෙනෙකු රෝහල්ගතවීම සම්බන්ධයෙන් නිවු සවුත් වේල්ස් සෞඛ්‍ය බළධාරීන් විමර්ශනයක් ආරම්භ කර තිබෙනවා.
වමනය – සිහි මූර්ජා වීම ඇතුලු රෝග ලක්ෂණ කිහිපයක් ඔවුන් වෙතින් දැකගත හැකිවූ බවයි සෞඛ්‍ය අංශ සඳහන් කර ඇත්තේ.
මෙම e-දුම්වැටි තුළ නිකොටීන් අඩංගු වන්නට ඇති බවටද සැක මතුවී තිබෙනවා.
ඔස්ට්‍රේලියානු නීතියට අනුව සාමාන්‍ය සිල්ලර වෙළඳසැල්වල අලෙවි කරන e-දුම්වැටි තුළ කිසිදු ආකාරයකින් නිකොටීන් අඩංගු කිරීම නීති විරෝධී වනවා.
එවැන්නක් මිළදී ගැනීමට නම් වෛද්‍ය අනුමැතියද අනිවාර්යයි.
එමෙන්ම මෙරට නීතියට අනුව වයස අවුරුදු 18 ට අඩු කිසිවෙකුට ඉලෙක්ට්‍රොනික දුම්වැටි අලෙවියද සම්පූර්ණයෙන් තහනම් වනවා.
