ඔස්ට්‍රේලියාව තුළ ඔන්ලයින් සූදු දැන්වීම් වසර 03 ක් ඇතුළත තහනම් කල යුතු බවට වන යෝජනාවක් ෆෙඩරල් පාර්ලිමේන්තුවට ඉදිරිපත් වී තිබෙනවා.
මේ සම්බන්ධයෙන් කරුණු සමාලෝචනයට පත්කල කමිටුව විසින් නිර්දේශ 31 ක් ඉදිරිපත් කර ඇති බවයි අද පාර්ලිමේන්තුවේදී සභාගත කෙරුණු වාර්තාවේ සඳහන් වන්නේ.
සූදූ ක්‍රීඩාවේදී ලොව දරුණුතම පරාජිතයන් මෙන්ම අන්තර්ජාල සූදූ ක්‍රීඩා සඳහා වැඩිම කාලයක් වැය කරනුයේ ඔස්ට්‍රේලියානුවන් බව එහි අන්තර්ගතයි.
අන්තර්ජාල සූදූ ක්‍රීඩාවලදී නව බද්දක් අය කිරීම – ජාතික මට්ටමේ නියාමනයක් සිදු කිරීම – ඔම්බුඩ්ස්මන් කාර්යාලයක් ස්ථාපිත කිරීම සහ මහජන දැනුවත් කිරීම් වැඩසටහන් සිදුකිරීම ද අදාළ නිර්දේශ අතරට අයත් වනවා.
වීඩියෝ සහ අන්තර්ජාල ක්‍රීඩා හරහා ළමුන් සූදූ ක්‍රීඩා වෙනුවෙන් පොළඹවා ගැනීම් නතර කිරීමට පියවර ගත යුතු බවටත් යෝජනා කර තිබෙනවා.
නීති විරෝධී සූදූ වෙබ් අඩවි හඳුනාගත් වහා තහනම් කිරීමද ප්‍රධාන නිර්දේශයක්.
එමෙන්ම ප්‍රධාන ක්‍රීඩා ඉසව්වලදී සිදු කෙරෙන සූදූ ක්‍රීඩා ප්‍රචාරණයන් නතර කිරීමද පාර්ලිමේන්තුව කමිටුව ඉදිරිපත් කල යෝජනා අතර වනවා.
