බැංකු ශාඛා වසා දැමීම සම්බන්ධ නීති රෙගුලාසි දැඩි කිරීමට ඔස්ට්රේලියානු බැංකු සම්මේලනය පියවර ගෙන තිබෙනවා.
ඒ අනුව ලබන ජූලි 01 වනදා සිට කිසියම් බැංකු ශාඛාවක් වසා දැමීමට අවශ්ය නම් පිළිගත හැකි හේතුවක් ඉදිරිපත් කිරීම අනිවාර්ය වනු ඇති.
එමෙන්ම අදාළ බැංකු ශාඛාව වසා දැමීමත් සමග ගණුදෙනුකරුවන්ට සිය සේවා අපහසුතාවයකින් තොරව ඉටු කරගත හැකි විකල්ප ක්රමවේද ද ඔවුන් පැහැදිලි කල යුතුයි.
එමෙන්ම කිසියම් බැංකු ශාඛාවක් වසා දැමීමට නිශ්චිත කාලයකට පෙර ගණුදෙනුකරුවන් දැනුවත් කිරීමත් අනිවාර්ය කර තිබෙනවා.
ඔස්ට්රේලියාවේ බැංකු ශාඛා වසා දැමීම් හමුවේ විශේෂයෙන් දුෂ්කර ප්රදේශවල පදිංචිකරුව්ට දැඩි බලපෑම් එල්ලවී ඇති බවටද පසුගියදා අනාවරණයක් සිදුකෙරුණා.
