කුඩා දරුවන් ඉලක්ක කර මුදල් ගෙවීමේ කවුන්ටර අසල අලෙවියට තබා ඇති චොකලට් ඇතුලු රසකැවිලි එම ස්ථානවලින් ඉවත් කිරීමට Woolworths සුපිරි වෙළඳසැල් ජාලය තීරණය කර තිබෙනවා.
ඒ වෙනුවට Nut bars- පොප්කෝන් සහ Cereal නිෂ්පාදන වැඩි වශයෙන් එම ස්ථානවල අලෙවියට තැබීමටයි නියමිතව ඇත්තේ.
කෙසේවෙතත් රසකැවිළි ඉතා සීමිත ප්‍රමාණයක් අඩංගු පෙට්ටියක් තවදුරටත් මුදල් කවුන්ටර අසල ප්‍රදර්ශනයට තැබෙනු ඇති.
Woolworths පවසන්නේ කුඩා දරුවන් සෞඛ්‍ය සම්පන්න ආහාර කෙරෙහි වැඩි වශයෙන් යොමු කරවීම ඉලක්ක කරගෙන මෙම පියවර ගන්නා බවයි.
පැණි රස ආහාර වැඩි වශයෙන් පරිභෝජනය හමුවේ ඔස්ට්‍රේලියානුවන්ගේ ස්ථුලතාවය ඉහළයාම සැළකිල්ලට ගෙන මෙම තීරණය ගත් බවද ඔවුන් සඳහන් කලා.
