ඔස්ට්‍රේලියානු නිවෙස්වල පවතින භාවිතයට නොගන්නා ස්මාට්ෆෝන් ජංගම දුරකථනවල වටිනාකම ඩොලර් බිලියන 5.7 කට ආසන්න බවට තක්සේරු කර තිබෙනවා.
අලුතින් මිළදී ගෙන තවමත් භාවිතයට නොගත් මෙන්ම භාවිත කර දැනට ඉවත දමා ඇති එහෙත් තවමත් යහපත් තත්වයක පවතින දුරකථන මේ අතර වන බව සඳහන්.
ඔස්ට්‍රේලියාව තුළ සෑම නිවසකම මෙම ඝණයට අයත් දුරකථන 01 ත් 02 ත් අතර සංඛ්‍යාවක් පවතින බවයි මෙම අධ්‍යයනයේදී අනාවරණය වී ඇත්තේ.
එම දුරකථනවල සාමාන්‍ය වටිනාකම ලෙස ඩොලර් 186 ක මුදලක් තක්සේරු කර තිබෙනවා.
සෑම 03 දෙනෙකුගෙන් අයෙකු සතුව භාවිත නොකරන දුරකථන 03 ක් පවතින බවත් මෙහිදී අනාවරණය වී ඇති බව සඳහන්.
