ඔස්ට්‍රේලියාවේ ප්‍රධාන පෙළේ දේශපාලනඥයන් උපයන වැටුප් සම්බන්ධ තොරතුරු ප්‍රකාශයට පත් කර තිබෙනවා.
මෙරට වැඩිම වාර්ෂික වැටුපක් ලබන දේශපාලනඥයා වන්නේ අගමැති ඇන්තනී ඇල්බනීස් වන අතර එය ඩොලර් 564,360 ක්.
ලොව ඉහළම වැටුප් ලබන රාජ්‍ය නායකයන් අතර ඔහු පසුවන්නේ 05 වන ස්ථානයේයි.
ඔස්ට්‍රේලියාවේ ඉහළම වැටුප් ලබන දේශපාලනඥන් අතර දෙවන ස්ථානයට පත්වන්නේ නියෝජ්‍ය අගමැති රිචඩ් මාල්ස් වන අතර ඔහු ලබන වාර්ෂික වැටුප ඩොලර් 416,212 ක්.
විපක්ෂ නායක පීටර් ඩට්න් ඩොලර් 390,000 ක් – කථානායක මිල්ටන් ඩික් ඩොලර් 369,700 ක් ලෙස වැටුප් ලබාගන්නවා.
ප්‍රාන්ත අගමැතිවරුන් අතර ඉහළම වැටුප ලබන්නේ වික්ටෝරියා අගමැති ඩැනියල් ඇන්ඩෲස් විසින් වන අතර එය ඩොලර් 481,190 ක්.
ක්වීන්ස්ලන්ඩ් අගමැතිනිය එහි දෙවන ස්ථානයට පත්ව ඇත්තේ ඩොලර් 469,367 ක වාර්ෂික වැටුපක් සමගිනුයි.
ඩොලර් 418,000 ක වාර්ෂික වැටුපක් ලබන දකුණු ඔස්ට්‍රේලියා අගමැතිවරයා 03 වන ස්ථානයට පත්ව සිටිනවා.
