ශ්රී ලන්කන් ගුවන් සේවයේ වැටුප් ප්රමාණවත් නොවීම හේතුවෙන් ගුවන් නියමුවන් 70 කට අධික ප්රමාණයක් සේවයෙන් ඉවත්වී තිබෙනවා.
නිවේදනයක් නිකුත් කරමින් ශ්රී ලංකන් ගුවන් නියමු සංසදය අවධාරණය කරන්නේ ගුවන් නියමුවන් 330 ක් ගුවන් සේවයේ සිටිය යුතු බවයි.
එහෙත් ගුවන් සේවා පරිපාලනයේ පවතින ගැටලූකාරී තත්ත්වය හේතුවෙන් මේ වන විට සේවයේ සිටින්නේ 250 ක් පමණක් බවද එමගින් පෙන්වාදී තිබෙනවා.
දකුණු කොරියාවට යෑමට සිටි ශ්රී ලාංකික ශ්රමිකයන් පිරිසකට, ගුවන් යානයක පමාවෙන් එම අවස්ථාව අහිමි වීමේ සිදුවීම් කිහිපයක් මෑතකාලීනව වාර්තා වුණා.
ඒ සම්බන්ධයෙන් මාධ්ය නිවේදනයක් නිකුත් කරමින් ඔවුන් පෙන්වා දෙන්නේ ශ්රී ලන්කන් ගුවන් සේවය ගුවන් නියමුවන්ට ලබාදෙන වැටුප් හා දීමනා ප්රමාණවත් නොවන බවයි.
ගෙවුණු වසරක කාලය තුළ පමණක් ගුවන් නියමුවන් 70 කට අධික සේවයෙන් ඉවත්ව ඇති අතර තවත් පිරිසක් ඉවත්වීමේ සූදානමකින් සිටින බවද එහි සඳහන්.
එබැවින්, දැනට පවතින ගුවන් නියමු හිගය හේතුවෙන් මෙලෙස හදිසි අවස්ථාවකදී ගුවන් නියමුවන් ඊට අනුයුක්ත කිරීම අසීරු බව එම නිවේදනයෙහි වැඩිදුරටත් දක්වා තිබෙනවා.
