ස්වදේශික ජනමත විචාරණය මෙම වසර තුළදී අනිවාර්යයෙන්ම පවත්වන බවට අගමැති ඇන්තනී ඇල්බනීස් නැවත සහතික වනවා.
ව්‍යවස්ථාව සංශෝධනය යනු අසීරු කරුණක් වුවද එය ජය ගැනීමට තමන් ඇතුලු ලේබර් පක්ෂ රජය සූදානම් බවයි ඔහු අවධාරණය කලේ.
අගමැතිවරයා මෙම අදහස් පළකලේ ප්‍රමාණවත් සහයක් නොමැතිනම් ජනමත විචාරණය කල් දමන ලෙස විපක්ෂ නායක පීටර් ඩට්න් විසින් කර ඇති ප්‍රකාශයට ප්‍රතිචාර දක්වමිනුයි.
ජනමත විචාරණය සඳහා පාර්ලිමේන්තුවෙන්ද අනුමැතිය ලැබී ඇති පසුබිමක එය කල් දැමීමට තමන් හෝ ලේබර් රජය කිසිදු සූදානමක් නොමැති බවයි ඇන්තනී ඇල්බනීස් කියාසිටියේ.
සැළසුම් කර ඇති පරිදි මෙම වසරේ අගභාගයේදී ජනමත විචාරණය පවත්වන බවත් නිශ්චිත දිනය ඉදිරියේදී ප්‍රකාශයට පත් කරන බවත් ඔහු තවදුරටත් සඳහන් කලා.
