නැවතත් ලොව ධනවත්ම පුද්ගලයින් අතර පෙරමුණට පැමිණීමට සුප්‍රකට ටෙස්ලා සමාගමේ නිර්මාතෘ සහ ට්විටර් වත්මන් හිමිකරු වන ඉලෝන් මස්ක් සමත්ව තිබෙනවා.
ඒ, ලොව ධනවත්ම පුද්ගලයින් අතර පෙරමුණේ රැඳී සිටි 74 හැවිරිදි බර්නාඩ් ආර්නෝල් අභිබවා යමින්.
ලොව ධනවත්ම පුද්ගලයින් 500 දෙනාගේ ලැයිස්තුවක් වන බ්ලුම්බර්ග් බිලියනපතියන්ගේ දර්ශකයට අනුවයි හෙහ නම් කිරීම සිදුකර ඇත්තේ.
වසරක් තුළ ලොව ධනවත්ම පුද්ගලයින් අතර පළමු තැන වරින් වර ඉලෝන් මස්ක් සහ බර්නාඩ් ආර්නෝල් අතර දෝලනය වුණා.
ඉලෝන් මස්ක් යළිත් ධනවතුන් අතර පෙරමුණට පැමිණියේ, පසුගිය අප්‍රේල් මාසයේදී බර්නාඩ් ආර්නෝල්ගේ සමාගමක කොටස් 10% කින් පමණ පහත වැටීමත් සමගයි.
එම කොටස් පහත වැටීම හමුවේ බර්නාඩ් ආර්නෝල්ට දිනක් තුළ සිදු වූ අලාභය අමෙරිකානු ඩොලර් බිලියන 11 කට ආසන්න බවටයි ගණන් බලා ඇත්තේ.
