ඔස්ට්‍රේලියාවේ ප්‍රධාන පතල් සමාගමක් වන BHP විසින් 2010 වසරේ සිට සේවකයන්ට අඩුවෙන් වැටුප් ගෙවා ඇති බව පිළිගෙන තිබෙනවා.
ඒ අනුව සේවකයන් 28,500 කට පමණ ඩොලර් මිලියන 400 ක හිග වැටුප් ගෙවිමටයි ඔවුන් තීරණය කර ඇත්තේ.
ප්‍රසිද්ධ නිවාඩු දිනවල සේවය කල සේවකයන්ට අදාළ වැටුප් අඩුවෙන් ගණනය කර ඇති බව සඳහන්.
ඔස්ට්‍රේලියාවේ ප්‍රධාන සමාගම් විසින් සේවකයන්ට අඩුවෙන් වැටුප් ගෙවීම් ඉහළ ගොස් ඇතැයි ඔම්බුඩ්ස්මන් කාර්යාලය පසුගියදා නිකුත් කල වාර්තාවක සඳහන්.
Woolworths විසින් ඩොලර් මිලියන 144 ක මුදලක්ද – Coles විසින් ඩොලර් මිලියන 115 ක මුදලක්ද එලෙස ගෙවීමට පවතින බවයි වැඩිදුරටත් ප්‍රකාශ කෙරුණේ.
