මෙවර ෆෙඩරල් අයවැයෙන් යෝජනා කල පරිදි jobseeker දීමනා ඉහළ නැංවීමේ යෝජනාවට සහය පළකිරීමට විපක්ෂ ලිබරල් සන්ධානය තීරණය කර තිබෙනවා.
ලක්ෂ 10 කට ආසන්න පිරිසකට එම වරප්‍රසාදය හිමිවන අතර සති 02 කට ඔවුන්ට හිමිවන මුදල ඩොලර් 40 කින් ඉහළයාමට නියමිතයි.
එමෙන්ම අවුරුදු 60 ට වැඩි ජ්‍යෙෂ්ඨ පුරවැසියන් සඳහා සති 02 කට ලබාදෙන ඩොලර් 92.10 ක මුදල අවුරුදු 55 ට වැඩි පිරිස් සඳහා ලබාදෙන පරිදි වන සංශෝධනයක්ද මෙවර අයවැයට ඇතුළත්.
මේ අතර සෙනෙට් සභාවේදී මෙම යෝජනාවට සංශෝධන කිහිපයක් ගෙන ඒමටද ලිබරල් විපක්ෂය සූදානමින් පසුවනවා.
කෙසේවෙතත් ඒ සඳහා ලේබර් පක්ෂ රජය එකග නොවනු ඇති බවටයි වාර්තා පළවන්නේ.
