ඩාර්වින් නගරයේ පදිංචිවී සිටින ව්යාපාරයක් පවත්වාගෙන යන ශ්රී ලාංකිකයෙකුට අයත් Ute වර්ගයේ රථයකට පහරදී හානි සිදුකර තවත් මෝටර් රථයක් පැහැරගෙන ගොස් අනතුරකට ලක් කිරීමේ සිද්ධියක් සම්බන්ධයෙන් පොලිස් විමර්ශන ආරම්භ කර තිබෙනවා.
Ute රථයේ වම් පස වීදුරුව කඩා එහි තිබූ උපකරණ කිහිපයක් පැහැරගෙන ගොස් තිබූ බව සඳහන්.
අනතුරුව එම ස්ථානයේ නතර කර තිබූ කලු පැහැති ටොයොටා ලෙක්සස් වර්ගයේ මෝටර් රථයද පැහැරගෙන ගොස් තිබෙනවා.
ඩාර්වින් සිට කිලෝමිටර් 30 ක් පමණ දුරින් පිහිටි ප්රදේශයකදී එය අනතුරකට ලක් කර තිබියදී සොයාගෙන ඇති බවද සඳහන්.
පොලිසිය පවසා ඇත්තේ පැයට කිලෝමීටර් 160 ක වේගයෙන් එය ධාවනය කර ඇති බවයි.
අද අලුයම මෙම මෝටර් රථය සොයාගෙන තිබෙනවා.
අතරමගදී ඊට ඉන්ධන ලබාගැනීම සඳහා නතර කර ඇති අතර අවුරුදු 16 ක් පමණ වන ගැහැණු ළමයෙකු රථය ධාවනය කරවා ඇති බවයි පැවසෙන්නේ.