අමෙරිකා ජනාධිපති ජෝ බයිඩ්න් ගේ ඔස්ට්‍රේලියා සංචාරය අවලංගු කර තිබෙනවා.
අමෙරිකාව දැනට මුහුණදී සිටින ණය අර්බුදය ඊට හේතුව බවටයි හඳුනාගෙන ඇත්තේ.
ලබන ජූනි 01 වනදා වනවිට ණය අර්බුදය විසඳා නොගතහොත් අමෙරිකාව ආර්ථික අවපාතයක් කරා යොමුවිය හැකි බවටයි අනතුරු ඇගවෙන්නේ.
ලබන 24 වනදා සිඩ්නි නුවරදී පැවැත්වීමට නියමිත ක්වඩ් රාජ්‍ය නායක සමුලුවට සහභාගීවීම සඳහා ඉන්දීය – ජපාන අග්‍රාමාත්‍යවරුන්ට අමතරව අමෙරිකා ජනාධිපතිවරයාද මෙරටට පැමිණීමටයි නියමිත වූයේ.
අද අලුයම අගමැති ඇන්තනී ඇල්බනීස් අමතමින් අමෙරිකා ජනාධිපති ජෝ බයිඩ්න් විසින් සිය තීරණය දැනුම් ඇති බවයි ධවල මන්දිරය නිවේදනය කලේ.
මේ අතර ඔස්ට්‍රේලියා අගමැති ඇල්බනීස් ට අමෙරිකාවේ සංචාරයක් සඳහා පැමිණෙන්නැයිද ජනාධිපති බයිඩ්න් විසින් එහිදී ආරාධනාවක් සිදුකර ඇති බව සඳහන්.
සිය ඔස්ට්‍රේලියානු සංචාරය තුළදී කැන්බරා පාර්ලිමේන්තුව ඇමතීමටද අමෙරිකා ජනාධිපති ජෝ බයිඩ්න් සූදානමින් පසුවුණා.
