පොදු ප්‍රවාහන ගාස්තු ජංගම දුරකථනය – හෝ ක්‍රෙඩිට් සහ ඩෙබිට් කාඩ් හරහා ගෙවීමේ අවස්ථාව වික්ටෝරියා ප්‍රාන්තවාසීන්ට නුදුරේදීම උදාවනවා.
ප්‍රාන්ත ප්‍රවාහන අමාත්‍ය බෙන් කැරොල් සඳහන් කලේ බස් – දුම්රිය මෙන්ම ට්‍රෑම් යන සේවා සියල්ලට අදාළව ඉතාම නුදුරේදී එම අවස්ථාව පිරිනමන බවයි.
ඉදිරි වසර 15 සඳහා වික්ටෝරියා ප්‍රවාහන සේවා ප්‍රවේශපත්‍ර නිකුත් කිරීමේ කොන්ත්‍රාත්තුව අමෙරිකානු සමාගමකට පිරිනමා තිබෙනවා.
මේ අනුව ලබන දෙසැම්බර් මාසයේ සිට Myki කාඩ්පත් ක්‍රමය පුලුල් වෙනසකට ලක්වී නව ප්‍රවේශපත්‍ර ක්‍රමය බලාත්මක වීම ආරම්භවීමට නියමිතයි.
කෙසේවෙතත් Myki කාඩ්පත අඛණ්ඩව භාවිත කිරීමට වික්ටෝරියානුවන්ට අවස්ථාව පවතිනවා.
මෙහි අත්හදා බැලීම් ලබන වසරේ සිට ආරම්භ කිරීමටත් 2025 වසරේ සිට පූර්ණව ක්‍රියාත්මක කිරීමටත් සැළසුම් කර තිබෙනවා.
