ලබන වසර වනවිට ඔස්ට්‍රේලියාව ආර්ථික අවපාතයක් කරා ගමන් කිරීමේ සම්භාවිතාවය සියයට 80 ක් වැනි ඉහළ අගයක පවතින බව ෆෙඩරල් සංචිත බැංකුව පවසනවා.
ඔවුන් විසින් සකස් කර ඇති රහසිගත වාර්තාවක දැක්වෙන්නේ උද්ධමනය – විරැකියා අනුපාතය වැනි සළකා බැලීමේදී එම පුරෝකථනය සිදුකල හැකි බවයි.
කෙසේවෙතත් මෙම වාර්තාව සකස් කර ඇත්තේ මීට මාස කිහිපයකට පෙර බැවින් වත්මන් ආර්ථික තත්වය සමග සමපාත නොවන බවටද ආර්ථික විද්වතුන් පිරිසක් අදහස් දක්වා තිබෙනවා.
මෙම වාර්තාවට අනුව පසුගිය පෙබරවාරි මාසය වනවිට cash rate අගය සියයට 4.8 ක් වැනි ඉහළ මට්ටමකට ළගාවනු ඇති බවටයි අනාවැකි පළකර තිබුණේ.
එහෙත් පසුගිය මාර්තු මාසයේදී අගය වෙනස් නොකිරීමේ තීරණයත් සමග දැනට එය පවතින්නේ සියයට 3.85 ක් ලෙසයි.
