පාස්කු නිවාඩුවට විනෝද චාරිකා සඳහා පිටත්ව යන ඔස්ට්‍රේලියානුවන්ට මදුරුවන් මගින් ව්‍යාප්ත වන රෝග පිළිබඳ විමසිලිමත් වන ලෙස අනතුරු ඇගවීමක් නිකුත් කර තිබෙනවා.
ජැපනීස් එන්සෙපලයිටීස් සහ මරේ වැලි එන්සෙපලයිටීස් රෝග ආසාධිතයන් සංඛ්‍යාව සීඝ්‍රයෙන් ඉහළයාම ඊට ප්‍රධාන හේතුවයි.
වික්ටෝරියා ඇතුලු ප්‍රාන්ත කිහිපයකම එම රෝග ආසාධිතයන් සංඛ්‍යාවේ කැපී පෙනෙන වැඩිවීමක් පෙන්නුම් කර ඇති බවයි සෞඛ්‍ය අංශ පෙන්වා දෙන්නේ.
මේ අතර මරේ ගංගාව අසළ විනෝද චාරිකාවල යෙදීමට අපේක්ෂා කරන ජනතාවටද අවධානම් නිවේදනයක් නිකුත් කර තිබෙනවා.
ගංගාව ආශ්‍රිත ප්‍රදේශවල මදුරුවන් ගහණය කැපී පෙනෙන ලෙස වැඩිවී ඇති බැවින් හැකිතාක් ආරක්ෂක පියවර අනුගමනය කරන ලෙස ඉල්ලීමක් කෙරෙනවා.
