ඔස්ට්‍රේලියාව තුළ සිය අවන්හල්වල කවුන්ටර් ඉදිරිපිට ප්ලාස්ටික් ආවරණයක් යෙදීමට ක්ෂණික ආහාර අවන්හල් ජාලය පියවර ගෙන තිබෙනවා.
ඇඩිලේඩ් නගරයේ තෝරාගත් අවන්හල් කිහිපයකින් එය ආරම්භ කෙරෙන බවයි ඔවුන් නිවේදනය කලේ.
මෑතකාලීනව මැක්ඩොනල්ඩ්ස් අවන්හල් සේවකයන්ට පාරිභෝගිකයන්ගෙන් එල්ලවු තර්ජන සහ පහරදීම් සැළකිල්ලට ගෙන මෙම තීරණය ගෙන තිබෙනවා.
විනිවිද පෙනෙන මෙම ආවරණ මගින් මැක්ඩොනල්ඩ්ස් සේවකයන්ට ඉහළ ආරක්ෂාවක් සැළසෙනු ඇති බවටයි අනාවැකි පළවන්නේ.
ඉදිරියේදී සිය සේවක ආරක්ෂාව තහවුරු කෙරෙන තවත් පියවර රැසක් අනුගමනයට සූදානම් බවද මැක්ඩොනල්ඩ්ස් අවන්හල් ජාලය සඳහන් කරනවා.
