වසර 20 කදී ලාංකිකයන් 68,000 ක් ඔස්ට්‍රේලියාවට – 71% ක් Citizenship ගනී

2000 වසරේ සිට 2021 වසර දක්වා ස්ථිර පදිංචිකරුවන් ලෙස ඔස්ට්‍රේලියාවට පැමිණ ඇති ශ්‍රී ලාංකිකයන් සංඛ්‍යාව 67,700 ක් බව සංඛ්‍යාලේඛණ කාර්යාංශය පවසනවා.

එයින් 48,300 ක් පැමිණ ඇත්තේ පුහුණු ශ්‍රමිකයන් ලෙස වන අතර එයින් සියයට 71 ක් මේ වනවිට මෙරට පුරවැසිභාවය ගෙන ඇති බවද සඳහන්.

ස්ථිර පදිංචිකරුවන් ලෙස පැමිණ පසුව මෙරට පුරවැසිභාවය ගන්නා පුද්ගලයන් උපත ලැබූ රටවල් අතුරින් ඉහළම ප්‍රතිශතය හිමි රටවල් අතර ශ්‍රී ලංකාවට 03 වන ස්ථානය ලැබී තිබෙනවා.

එහි පළමු ස්ථානයේ පසුවන්නේ දකුණු අප්‍රිකාවටයි.

මෙම වසර 21 ක කාලයේදී ඔස්ට්‍රේලියාවට පැමිණ ඇති ස්ථිර පදිංචිකරුවන් ගණන ලක්ෂ 30 ක් වන අතර ඉන් සියයට 59 ක් පුහුණු ශ්‍රමිකයන් වනවා.

සියයට 32 ක් පවුල් සංක්‍රමණයෙන්ද සියයට 09 ක් මානුෂීය පදනම යටතේද පැමිණ ඇති බවයි සංඛ්‍යාලේඛණ කාර්යාංශ වාර්තා පෙන්වා දෙන්නේ.

එයින් සියයට 56 ක් පදිංචිවී ඇත්තේ සිඩ්නි හෝ මෙල්බන් යන නගර දෙකෙන් එකක වීමද විශේෂත්වයක්.

සංඛ්‍යාත්මකව ඔස්ට්‍රේලියාවට පැමිණ ඇති වැඩිම සංක්‍රමණිකයන් පිරිස වන 439,700 පැමිණ ඇත්තේ ඉන්දියාවෙනුයි.

අදාළ ලක්ෂ 30 ක් වන මුලු සංක්‍රමණිකයන් අතුරින් උපාධියක් හෝ ඊට ඉහළ අධ්‍යාපන මට්ටමක් සහිත පිරිස සටහන් වන්නේ සියයට 51 ක් ලෙසයි.

ශ්‍රී ලංකාවේ ඔෂිනිට Woman Fide Master ගෞරව නාමය

ලෝක චෙස් සම්මේලනය විසින් ශ්‍රී ලංකාවේ නැගී එන ක්‍රීඩිකාවක වන ඔෂිනී දේවින්ද්‍යා ගුණවර්ධනට වුමන් ෆිඩේ මාස්ටර් (Woman Fide Master (WFM) ගෞරවය පිරිනමා තිබෙනවා.

Read More »

ඔස්ට්‍රේලියාවේ ස්ට්‍රෝබෙරි ගම්මානයක් ශ්‍රී ලංකාවේ

නුවරඑළිය ප්‍රදේශයේ ස්ථාපිත කරනු ලැබූ ශ්‍රී ලංකාවේ ප්‍රථම ස්ට්‍රෝබෙරි ආදර්ශ ගම්මානය තුළ සිදු කෙරෙන ස්ට්‍රෝබෙරි වගාවේ පැළ රෝපණ කටයුතු මේ වන විට අවසන් කර ඇතැයි කෘෂිකර්ම අමාත්‍යංශය පවසනවා.

Read More »

කොවිඩි නීති උල්ලංඝණයට පැනවූ දඩ අය කර ගන්න නව වැඩසටහනක්

කොවිඩ් වසංගත සමයේ නිකුත් කර තිබූ මහජන සෞඛ්‍ය උපදෙස් සහ දේශසීමා නීති උල්ලංඝනය කිරීම්වලට සම්බන්ධ දඩ මුදල් අය කර ගැනීමට ක්වීන්ස්ලන්ඩ් ප්‍රාන්ත රජය විශේෂ වැඩසටහනක් ආරම්භ කර තිබෙනවා.

Read More »