ලබන සඳුදා සිට ටස්මේනියා ප්‍රාන්තයේ ඔසුසැල් සඳහා ඖෂධ නිකුත් කිරීමේ රෙගුලාසි ලිහිල් කර තිබෙනවා.
ඒ අනුව කිසියම් අයෙකුට වෛද්‍ය නිර්දේශ ලබාගැනීමේ ගැටලුවක් ඇත්නම් ඔවුන් භාවිත කල ඖෂධ තවත් මාසයක කාලයක් සඳහා නිකුත් කිරීමට ෆාමසි වෙත අවසර හිමිවනවා.
වසරකට එක් අවස්ථාවකදී පමණක් මෙලෙස ඖෂධ මිළදී ගත හැකි අතර වලංගු ඖෂධ තුණ්ඩුවක් සහ වෛද්‍යවරයා සම්බන්ධ කරගැනීමට නොහැකිවු බව දැක්වෙන ඉලෙක්ට්‍රොනික සාක්ෂියක් එහිදී ඉදිරිපත් කිරීම අනිවාර්යයි.
ඔස්ටේ්‍රලියාවේ ප්‍රාන්තයක් විසින් මෙවැනි වැඩපිළිවෙලක් ක්‍රියාත්මක කරන පළමු අවස්ථාවද මෙයයි.
මේ හරහා රෝහල්වල හදිසි ප්‍රතිකාර අංශවල තදබදය අවම වනු ඇති බවටයි අනාවැකි පළවන්නේ.
