රජයේ කාර්යාලවල ස්ථාපිත කර ඇති චීන නිෂ්පාදිත සී සී ටී වී කැමරා ඉවත් කිරීමට ඔස්ටේ්රලියා ෆෙඩරල් රජය ගත් තීරණයට චීනය දැඩි විරෝධය පළකර තිබෙනවා.
ජාතික ආරක්ෂාව ලෙසින් චීන සමාගම් මර්දනයට ඔස්ටේ්රලියාව උත්සාහ දරන බවටයි චීන විදේශ අමාත්යංශය චෝදනා කරන්නේ.
සංවේදී තොරතුරු චීනය අතට පත්වීම වළක්වාලීමේ අරමුණ ඇතිව ඔස්ටේ්රලියානු රජයේ කාර්යාලවල ස්ථාපිත කර ඇති සී සී ටී වී කැමරා 1000 ක් පමණ ගලවා ඉවත් කිරීමට ෆෙඩරල් රජය පසුගිය බ්රහස්පතින්දා තීරණය කලා.
ඒවායෙහි කිසිදු ගැටලුවක් නොමැති නම් ආරක්ෂක විශ්ලේෂණයකින් පසු නැවතත් සවි කරන බවටයි ආරක්ෂක අමාත්ය රිචර්ඩ් මාර්ල්ස් සහතික වූයේ.
ඔස්ටේ්රලියා නීතිපති දෙපාර්තමේන්තුවේ පමණක් එලෙස සවි කර ඇති කැමරා සංඛ්යාව 195 ක්.