Australia Day දිනය යෙදී ඇති හෙට දිනයේදි සුපිරි වෙළඳසැල් විවෘතව තබන වේලාවන් ප්‍රකාශයට පත් කර තිබෙනවා.
ඒ අනුව සියලුම ප්‍රාන්තවල කෝල්ස් – වූල්වර්ත්ස් – ඇල්ඩි මෙන්ම බනින්ග්ස් වෙයාර් හවුස් යන ප්‍රධාන සුපිරි වෙළඳසැල් ජාල 04 ම අලෙවිසැල් අති බහුතරයක් හෙට දිනයේදී විවෘතව පවතිනු ඇති.
කෙසේවෙතත් ඇතැම් ප්‍රදේශවල වෙළඳසැල් කිහිපයක් වසා තැබෙන අතර විවෘතව පවතින වේලාවන්ද එකිනෙකට වෙනස්විය හැකියි.
එබැවින් තමාට ආසන්නයේම පිහිටා ඇති සුපිරි වෙළඳසැල විවෘතව පවතින වේලාව තහවුරු කරගන්නා ලෙසයි ඉල්ලීමක් කෙරෙන්නේ.
මේ අතර හෙට දිනයේදී ප්‍රධාන නගරවල කාළගුණ තත්වය සම්බන්ධයෙන්ද අනාවැකි පළකර තිබෙනවා.
ඒ අනුව ඇඩිලේඩ් නගරයේ දිනය පුරා යහපත් කාළගුණ තත්වයකුයි අපේක්ෂා කෙරෙන්නේ.
සිඩ්නි – බ්‍රිස්බන් – හෝබාට් සහ ඩාර්වින් නගරවල පෙරවරුවේ වැසි රහිත කාළගුණයක් පැවතියද පස්වරුව වනවිට වැසි තත්වයක් බලාපොරොත්තු වන බව කාළගුණ නිවේදනයේ සඳහන්.
මෙල්බන් සහ පර්ත් නගරවල බොහෝ දුරට යහපත් කාළගුණයක් පැවතිය හැකි නමුත් දැඩි සුළං තත්වයක් බලාපොරොත්තු විය හැකියි.
