ක්‍රිකට් ක්‍රීඩකයන්ට දෙන්න $ 250,000 ක් සොරකම් කලැයි මෙල්බන් ලාංකිකයෙකුට චෝදනා

මෙල්බර්න් හි ප්‍රාදේශීය ක්‍රිකට් තරගාවලියකට ඉහළ පෙළේ ජාත්‍යන්තර ක්‍රිකට් ක්‍රීඩකයින් 10 දෙනෙකු එක්කර ගැනීම සඳහා ඇමරිකානු ඩොලර් 250,000කට ආසන්න මුදලක් සොරකම් කළ බවට මෙල්බර්න් ඩොන්කැස්ටර් හි පදිංචි 35 හැවිරිදි ශ්‍රී ලාංකිකයෙකුට චෝදනා එල්ල වී තිබෙනවා.

සැකකරු වසරකට වැඩි කාලයක් තිස්සේ තම සේවායෝජකයාගේ බැංකු ගිණුමෙන් මෙම මුදල් පැහැරගෙන ඇති බව සඳහන්.

35 හැවිරිදි සැකකරුට මෙල්බර්න් මහේස්ත්‍රාත් අධිකරණය හමුවේ සොරකම් කිරීම සහ වංචා කිරීම සම්බන්ධ වැරදි 19 ක් සම්බන්ධයෙන් චෝදනා ගොනුකර තිබෙනවා.

වික්ටෝරියා පොලිසිය චෝදනා කරන්නේ සැකකරු ඔහුගේ සේවායෝජකයා වන ඔම්නි විෂන් සමාගම සඳහා සී.සී.ටී.වී මාස්ටර්ස් නම් නීත්‍යානුකූල සැපයුම්කරුවෙකු ලෙස පෙන්වූ ව්‍යාජ සැපයුම්කරුවෙකු වෙනුවෙන් ගැනීමේ නියෝග සහ බදු ඉන්වොයිස් ව්‍යාජ ලෙස සකස් කර ඇති බවයි.

2021 මාර්තු සිට 2022 ජූලි දක්වා කාලය තුළ විවිධ අවස්ථා 18කදී සැකකරු විසින් මෙවැනි ව්‍යාජ මිළදී ගැනීමේ නියෝග සහ බදු ඉන්වොයිස් ඉදිරිපත් කර ඇතැයි පොලිසිය චෝදනා කරනවා.

මෙම මුදල් අදාළ පුද්ගලයා විසින් ඔහුගේම ව්‍යාපාරයකට යොදවා ඇති බවත්, එම ව්‍යාපාරය හරහා දේශීය තරග සඳහා සහභාගි වීමට ජාත්‍යන්තර මට්ටමේ ක්‍රිකට් ක්‍රීඩකයින් 10 දෙනෙකුට ගෙවීම් සිදුකර ඇති බවත් සඳහන්.

කෙසේ වෙතත් නොවැම්බර් 24 වැනි දින අධිකරණය හමුවේ මෙම චෝදනා ගොනු කරන අවස්ථාව වන විටත් මෙම කිසිදු ක්‍රීඩකයෙකු තරග සඳහා සහභාගි වී නොමැති බව විමර්ශන නිලධාරීන් සඳහන් කළා.

ලබන පෙබරවාරි මාසයේදී නඩුව නැවත අධිකරණයේදී කැඳවීමට නියමිතයි.

මෙල්බන් ඇතුලු ප්‍රදේශ රැසක කාලගුණ වෙනසක් ගැන දැනුම්දීමක්

මෙම සති අන්තයේ ඔස්ට්‍රේලියාවේ ගිනිකොන දෙසින් ඇති වන කාලගුණික වෙනසක් හේතුවෙන් වසර පහකට පසු මෙල්බන් සහ ඒ අවට කලාපයේ සිසිල්ම දින කිහිපය වනු ඇති බවට කාලගුණ අංශ අනාවැකි පල කර තිබෙනවා.

Read More »

වාර්තාවක් තබමින් ශ්‍රී ලංකා කණ්ඩායමට ගෙදර එන්න වෙයි

2024 T20 ලෝක කුසලාන ක්‍රිකට් තරගාවලියේ පළමු වටයෙන්ම ශ්‍රී ලංකාව ඉවතට විසිවී ඇති බව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයට පත්කර තිබෙනවා.

Read More »