දකුණු කොරියාවේ සෝල් අගනුවර හැලොවීන් සැමරුමේදී සිදු වූ අනතුරෙන් මියගිය පිරිස අතර ශ්‍රී ලාංකිකයෙකු ද සිටින බවට තහවුරු වී තිබෙනවා.
විදේශ අමාත්‍යංශය සඳහන් කලේ මහනුවර පදිංචි 27 හැවිරිදි අයෙකු මෙලෙස මියගොස් ඇති බවයි.
එමෙන්ම තවදුරටත් දකුණු කොරියාවේ සිටින ශ්‍රී ලාංකිකයන් සම්බන්ධයෙන් තානාපති අංශ සමග සමීපව සොයාබලමින් අවශ්‍ය කටයුතු සිදු කරන බවයි විදේශ අමාත්‍යාංශ ආරංචි මාර්ග සඳහන් කළේ.
ඊයේ රාත්‍රියේ සිදුවූ මෙම අනතුරින් 151 දෙනෙකු මියගොස් තවත් 82 දෙනෙකු තුවාල ලැබුවා.
මියගිය පිරිසට විදේශිකයන් 19 දෙනෙකු අයත්.
ඒ අතර ඉරාන, නෝර්වේ, චීන සහ උස්බෙකිස්තාන ජාතිකයන් ද සිටින බව සඳහන්.
මේ අතර මියගිය සහ තුවාල ලැබූ පිරිස් වෙනුවෙන් දකුණු කොරියානු ජනාධිපති යූන් සුක් යෝල් විසින් ශෝක කාලයක්ද ප්‍රකාශයට පත් කර තිබෙනවා.
