ලබන සතියේදී ඔස්ටේ්‍රලියාව තුළ පෙට්‍රල් ලීටරයක මිළ ශත 40 කින් පමණ ඉහළ යනු ඇති බවට වෙළඳපොළ ආරංචි මාර්ග අනාවැකි පළකරනවා.
ඒ අනුව ලීටරයක නව මිළ ඩොලර් 2.14 ක් පමණ දක්වා ඉහළ යාමට නියමිතයි.
දැනට ඔස්ටේ්‍රලියාවේ පෙට්‍රල් ලීටරයක සාමාන්‍ය මිළ සටහන් වන්නේ ඩොලර් 1.76 ක් ලෙසයි.
එය මෙල්බන් නගරයේ පෙට්‍රල් ලීටරයක සාමාන්‍ය මිළ ඩොලර් 1.82 ක් වන අතර සිඩ්නි නගරයේ ඩොලර් 1.76 ක් පමණ වනවා.
ඉන්ධන බදු සහනය පසුගිය සැප්තැම්බර් 30 වනදා සිට ඉවත් කෙරුණද මේ දක්වා ඉන්ධන මිළෙහි සීඝ්‍ර වැඩිවීමක් පෙන්නුම් කෙරුණේ නැහැ.
කෙසේවෙතත් උද්ධමනය සියයට 07 ඉක්මවා ගිය බවට සංඛ්‍යාලේඛණ කාර්යාංශය නිකුත් කල නවතම වාර්තාවත් සමග ලබන සතයේ සිට ඉන්ධන මිළ ගනන් වැඩිවනු ඇති බවටයි අනාවැකි පළවන්නේ.
