නිවු සවුත් වේල්ස් ප්‍රාන්තයේ සියලුම සූදූ මධ්‍යස්ථාන සඳහා ලබන වසරේ සිට facial recognition තාක්ෂණය ඇතුළත් කිරීමට පියවර ගෙන තිබෙනවා.
විවිධ කළහකාරී සිදුවීම් හමුවේ කැසිනෝ ඇතුලු සූදු මධ්‍යස්ථාන වෙත ඇතුලු වීම තහණම් හෝ වළක්වා ඇති පුද්ගලයන් කෙටි කාලයකදී හඳුනාගැනීම එහි අරමුණයි.
එවැනි පුද්ගලයෙකු පැමිණ ඇති බවට හඳුනාගතහොත් වහා ආරක්ෂක අංශ දැනුවත් කර අදාළ පුද්ගලයා ඉවත් කිරීම සිදුවනු ඇති.
කෙසේවෙතත් සූදූ ක්‍රීඩා කිරීම සඳහා පැමිණෙන පුද්ගලයන්ගේ ඡායාරූප දත්ත පද්ධති වෙත ගබඩා කිරීමට පෙර ඔවුන්ගේ අනුමැතිය ලබාගත යුතුයි.
කැසිනෝ ඇතුලු සූදු මධ්‍යස්ථානවලදී විවිධ ගැටුම් ඇතිකරගන්නා පුද්ගලයන්ට මාස 06 ත් 12 ත් අතර කාලයක් සූදු මධ්‍යස්ථාන වෙත ඇතුළත්වීම වළක්වාලීමයි සාමාන්‍යයෙන් සිදුවන්නේ.
ඔවුන් විසින් ස්වයං වාරණ පණවා ගනිමින් එම තහනම් පණවා ගැනීමේ ක්‍රමයක්ද ක්‍රියාත්මකයි.
