වික්ටෝරියා ප්‍රාන්තයේ නිවාස 5000 කට ආසන්න සංඛ්‍යාවක විදුලි සැපයුම තවමත් අඩාලව පවතින බවට වාර්තා වනවා.
ඉන් වැඩිම පිරිස Apollo Bay ප්‍රදේශයෙන් වන අතර Seymour, Rochester, Carisbrook, Wedderburn සහ Charlton යන ප්‍රදේශවල දහස් සංඛ්‍යාත පිරිසකට ආරක්ෂිත ස්ථාන වෙත යොමුවන ලෙසයි දන්වා ඇත්තේ.
වික්ටෝරියා ප්‍රාන්තයේ නිවාස 500 ක් පමණ මුලුමනින්ම විනාශවී ඇති බවත් තවත් 500 ක් පමණ අර්ධ වශයෙන් හානි සිදුවී ඇති බවත් අගමැති ඩැනියල් ඇන්ඩෲස් කියාසිටියා.
වික්ටෝරියා ප්‍රාන්තයේ බොහෝ ප්‍රදේශවලට මේ වනවිට බලපා ඇත්තේ වසර 50 කට පමණ පසු හටගත් දරුණුතම කාළගුණ තත්වය බව සඳහන්.
අද දිනයේදී පාසල් රැසක් වසා දමා ඇති අතර දුම්රිය වාර කිහිපයක්ද අවලංගු කෙරුණා.
මෙල්බර්න් නුවරට ගෙවුනු පැය විසි හතර තුළ මිලිමීටර 155ක වර්ෂාපතනයක් මෙන්ම තස්මේනියා ප්‍රාන්තයට මිලිමීටර 400ක වර්ෂාපතනයක් ලැබී ඇති බවයි මාධ්‍ය වාර්තා කළේ.
