ලබන නොවැම්බර් 26 වනදා පැවැත්වෙන ප්‍රාන්ත මැතිවරණයේදී කවරෙකු ජයගත්තද වෛද්‍ය වෘත්තියට අදාල ගැටලු විසඳීමට ප්‍රමුඛත්වය දිය යුතු බව ඔස්ටේ්‍රලියාවේ ප්‍රධානතම වෛද්‍ය සංගමය පවසනවා.
Australian Medical Association (AMA) හෙවත් ඔස්ටේ්‍රලියානු වෛද්‍ය සම්මේලනයේ වික්ටෝරියා ශාඛාව අවධාරණය කරන්නේ වත්මන් ඩැනියල් ඇන්ඩෲස් රජය විසින් ඩොලර් බිලියන ගණනක මුදලක් සෞඛ්‍ය ක්ෂේත්‍රය නගා සිටුවීමට වෙන් කර ඇති බවයි.
කෙසේවෙතත් දරුණු සේවක හිගය මගහරවාලීම සඳහා ගත යුතු තවත් පියවර ගණනාවක් පවතින බවයි ඔවුන් විසින් සියලු දේශපාලන පක්ෂ වෙත යොමු කර ඇති ලිපියක දැක්වෙන්නේ.
වෛද්‍යවරුන්ට අදාළවන පරිදි පණවා ඇති ඇතැම් බදුවලින් ඔවුන් නිදහස් කරන්නැයිද ඔස්ටේ්‍රලියානු වෛද්‍ය සම්මේලනය වික්ටෝරියා ප්‍රාන්ත රජයෙන් ඉල්ලා සිටිනවා.
මානසික සෞඛ්‍ය නගා සිටුවීම සඳහා අමතර ප්‍රතිපාදන වෙන් කිරීමේ වැදගත්කමද මෙම ලිපියෙන් අවධාරණය කර තිබෙනවා.
මෙවර වික්ටෝරියා ප්‍රාන්ත මැතිවරණයේදී ප්‍රධාන පක්ෂ දෙකෙහිම ප්‍රමුඛතම මැතිවරණ පොරොන්දුව වී ඇත්තේ සෞඛ්‍ය පහසුකම් වැඩි දියුණු කිරීමයි.
