දත්ත සොරාගැනීමේ සිද්ධිය පදනම් කරගනිමින් ඔප්ටස් සමාගමට එරෙහිව නඩු පැවරීමට නීතීඥ සමාගම් කිහිපයක් තීරණය කර තිබෙනවා.
ඔස්ටේ්‍රලියානු ඉතිහාසයේ සමාගමකට නියමවන ඉහළම වන්දිය ඒ අනුව ඔප්ටස් සමාගමට ගෙවීමට සිදුවනු ඇති බවටයි වාර්තා පළවන්නේ.
දැනට ඔස්ටේ්‍රලියාව තුළ නඩුවකදී නියමවී ඇති වැඩිම වන්දිය වන්නේ ඩොලර් මිලියන 500 ක මුදලක්.
2009 කලු සෙනසුරාදා ලැවි ගිනි හමුවේ දේපළ සහ ජීවිත හානි සිදුවූ ඔස්ටේ්‍රලියානුවන් 10,000 ක් වෙනුවෙන් එම මුදල් පිරිනමනු ලැබුවා.
අදාළ නීතීඥ සමාගම් පෙන්වා දෙන්නේ ඔප්ටස් සමාගම සයිබර් ප්‍රහාරයකට ගොදුරුවූ පළමු අවස්ථාව මෙය නොවන බවයි.
මීට ඉහත අවස්ථාවකදීත් ඔවුන් මෙවැනි අත්දැකීමකට මුහුණදී ගණුදෙනුකරුවන් 50,000 කගේ පමණ දත්ත සොරාගැනීමට ලක්ව ඇතැයිද සඳහන්.
එහෙත් කිසිදු ආරක්ෂිත පියවරක් අනුගමනය කිරීමට ඔප්ටස් සමාගම අපොහොසත්ව ඇති බවටයි නීතීඥ සමාගම් චෝදනා කරන්නේ.
