කොවිඩ් ආසාධිතයන් සහ ආශ්‍රිතයන් සඳහා බලාත්මකව පැවති අනිවාර්ය හුදකලා කාලසීමාව ඉවත් කිරීමේ යෝජනාව සම්බන්ධයෙන් Hospitality අංශයේ සේවකයන් ප්‍රසාදය පළකරනවා.
ආශ්‍රිතයෙකු බවට පත්වුවද රැකියාවට පැමිණීමෙන් වැළකී සිටීමට පැවති බාධක ඉන් ඉවත් වන බවයි ඔවුන් අවධාරණය කරන්නේ.
මේ දක්වා දින 05 ක් ලෙස පැවති හුදකලා කාල සීමාව ලබන 14 වනදා සිට මුලුමනින්ම අහෝසි කිරීමටයි ජාතික කැබිනට්ටුව පසුගිය සිකුරාදා දිනයේදී තීරණය කලේ.
කෙසේවෙතත් ඒ ස්මබන්ධයෙන් මේ වනවිට මිශ්‍ර ප්‍රතිචාර පළවෙමින් පවතිනවා.
වෛද්‍යවරුන් සහ හෙදියන් ඇතුලු සෞඛ්‍ය අංශ පෙන්වා දෙන්නේ හුදකලා කාලය මුලුමනින්ම අහෝසි නොකර ක්‍රම ක්‍රමයෙන් අඩු කෙරුණේ නම් වඩාත් යෝග්‍ය බවයි.
