ගිනි ගැනීමේ අවධානමක් හේතුවෙන් Hyundai වර්ගයේ මෝටර් රථ 9000 ක් පමණ ආපසු කැඳවා තිබෙනවා.
2015 සහ 2017 අතර කාලයේදී නිෂ්පාදනය කරන ලද මෝටර් රථ මෙලෙස කැඳවා ඇති බව සඳහන්.
ගරාජයක් වැනි ආවරණය කරන ලද ස්ථානවලදී වාහනය නතර කර තැබීමෙන් ගිනි ගැනීම් ඇතිවිය හැකි බවද එබැවින් එළිමහන් විවෘත ස්ථානයක වාහනය නතර කර තබන ලෙසත් අදාළ වාහන හිමියන්ගෙන් ඉල්ලීමක් කෙරෙනවා.
එමෙන්ම වාහනයේ එන්ජිමේ දෝෂයක් ඇතැයි පෙන්නුම් කලහොත් වහා අදාළ වාහන නියෝජිතයා දැනුවත් කරන ලෙසයි Hyundai සමාගම විසින් පාරිභෝගිකයන්ට දන්වා සිටින්නේ.
පසුගිය වසරේදීත් මෙවැනිම දෝෂයක් හමුවේ වාහන 93,000 ක් පමණ ආපසු කැඳවනු ලැබුවා.
එම සියලු වාහන 2020 වසරේ නොවැම්බර් මාසය දක්වා අලෙවි කරන ලද ඒවායි.
