2022-23 මූල්‍ය වර්ෂයට අදාළව වික්ටෝරියා ප්‍රාන්තයේ 190 සහ 491 වීසා කෝටාවලට අදාළ තොරතුරු කිහිපයක් ප්‍රාන්තයේ ආගමන කටයුතු දෙපාර්තම්න්තුව විසින් ප්‍රසිද්ධියට පත් කර තිබෙනවා.
පසුගිය අගෝස්තු 31 වන විට 190 වීසා කාණ්ඩය සඳහා ලැබී ඇති ROI සංඛ්‍යාව 14,202 ක්.
ඉන් 377 දෙනෙකුට නිර්දේශ ලබා දී තිබෙනවා.
190 යනු මෙරට ස්ථිර පදිංචිය සෘජුවම ලබාදෙන වීසා බලපත්‍රයක්.
2022-23 මුල්‍ය වර්ෂය සඳහා වික්ටෝරියා ප්‍රාන්තයේ 190 වීසා සඳහා 9,000 ක කෝටාවක් වෙන් කර ඇති අතර එය පසුගිය වසරට සාපේක්ෂව 6,000 ක වැඩි වීමක්.
අගෝස්තු 31 වනදා වන විට, වික්ටෝරියා ප්‍රාන්තයේ 491 වීසා කාණ්ඩය සඳහා ROI 4,734 ක් ලැබී තිබුණා.
එයින් 35 දෙනෙකුට නිර්දේශ ලබා දී අවසන් බවයි වික්ටෝරියා ප්‍රාන්තයේ ආගමන කටයුතු දෙපාර්තම්න්තුව සඳහන් කරන්නේ.
2022-23 මුල්‍ය වර්ෂය සඳහා වික්ටෝරියා ප්‍රාන්තයේ 491 වීසා සඳහා 2,400 ක කෝටාවක් වෙන් කර ඇති අතර එය පසුගිය වසරට සාපේක්ෂව 1,900 ක වැඩි වීමක්.
491 වීසා කාන්ඩයෙන් මෙරට ප්‍රාදේශීය කලාපයක වසර 05 ක පූර්ණ කාලීන රැකියා කිරීමට අවසර හිමිවන අතර ස්ථිර පදිංචිය සඳහා අයදුම් කිරීමට සුදුසුකම් ලබනු ඇති.
