ACT ප්‍රාන්තයේ 2022-23 වසර සඳහා වන Skilled Visa වැඩසටහනට අදාළ නවතම තොරතුරු කිහිපයක් ප්‍රකාශයට පත් කර තිබෙනවා.
190 වීසා කාණ්ඩය යටතේ 800 දෙනෙකුටත් – 491 වීසා කාණ්ඩය යටතේ 1920 දෙනෙකුටත් මෙවර ස්ථිර පදිංචිය පිරිනමන බවයි ප්‍රාන්ත රජය මීට පෙර නිවේදනය කලේ.
ඒ අනුව පසුගිය 13 වනදා වනවිට 190 වීසා කාණ්ඩය සඳහා අයදුම්පත්‍ර 183 ක් ලැබී තිබූ අතර ඉන් 155 කට අනුමැතිය ලැබී තිබෙනවා.
අයදුම්පත්‍ර 28 ක් ප්‍රතික්ෂේප වී ඇති බව සඳහන්.
491 වීසා කාණ්ඩය යටතේ අයදුම්පත් 325 ක් ලැබී තිබූ අතර ඉන් 269 කට අනුමැතිය ලැබී 56 ක් ප්‍රතික්ෂේප වුණා.
ඒ අනුව ඉදිරි වසර සඳහා 190 කාණ්ඩයෙන් තවත් 645 දෙනෙකුටත් 491 වීසා කාණ්ඩයෙන් 1651 දෙනෙකුටත් අවස්ථාව පවතිනවා.
Canberra Matrix ක්‍රමය යටතේ 190 වීසා කාණ්ඩයෙන් විදෙස් අයදුම්කරුවන් 11 කටත් 491 වීසා කාණ්ඩයෙන් විදෙස් අයදුම්කරුවන් 117 කටත් ආරාධනා පත්‍ර යවා ඇති බවයි ප්‍රාන්තය නිවේදනය කලේ.
