02 වන එළිසබෙත් රැජිණගේ අභාවය වෙනුවෙන් අද දිනය (22) ඔස්ටේ‍රලියාව තුළ ජාතික ශෝක දිනයක් සහ ප්‍රසිද්ධ නිවාඩු දිනයක් ලෙස ප්‍රකාශයට පත් කර තිබෙනවා.
අගමැති ඇන්තනී ඇල්බනීස් පැවසුවේ ඔස්ටේ‍රලියානුවන්ට රැජිණ වෙනුවෙන් ඔවුන්ගේ කණගාටුව පළකිරීම සඳහා මෙම අවස්ථාව ලබාදෙන බවයි.
ජාතික ශෝක දිනයක් ලෙස නම් කර ඇති අද (22) දිනයේදී ඔස්ටේ්‍රලියාව පුරා විනාඩියක නිහඩතාවයක් අනුගමනය කිරීමට ෆෙඩරල් රජය විසින් දැනුම් දී තිබෙනවා.
ඒ අනුව පෙරවරු 11 ට එම නිශ්ශබ්දතාවය අනුගමනය කරන ලෙසයි සියලුම ප්‍රාන්ත රජයන් වෙත දන්වා ඇත්තේ.
රජයේ ගොඩනැගිලි සහ කාර්යාලවල ඔස්ටේ‍රලියානු ජාතික කොඩිය අඩකුඹු කර තැබීමටද නියමිතයි.
කෙසේවෙතත් ආණ්ඩුකාර ජනරාල්වරයාගේ මෙන්ම ප්‍රාන්ත ආණ්ඩුකාරවරුන්ගේ ධජයන් පූර්ණව ඔසවා තැබෙනු ඇති.
