මාස කිහිපයකට පෙර මියගිය ඔස්ටේ්‍රලියා සුපිරි ක්‍රීඩක ෂේන් වෝන් ගේ ජීවිත කතාව අදළලා චිත්‍රපටයක් නිර්මාණය කිරීමට සැලසුම් කිරීම සම්බන්ධයෙන් ඔහුගේ පවුලේ සාමාජිකයින් දැඩි විරෝධය පළකරනවා.
ඔහුගේ වැඩිමහල් දියණිය පැවසුවේ එම සැලසුම සිය පියාට කරන විශාල අගෞරවයක් බවයි.
නයින් නෙට්වර්ක් මාධ්‍ය ජාලය විසින් මෙම ටෙලි චිත්‍රපටය නිර්මාණය කිරීම ආරම්භ කර තිබෙනවා.
ෂේන් වෝන් වසර 20 කට ආසන්න කාලයක් එම මාධ්‍ය ජාලයේ නිවේදකයෙකු ලෙස ද කටයුතු කරනු ලැබුවා.
අධියර 02 කින් සමන්විත මෙම නිෂ්පාදනය වෝර්නි ලෙස නම්කර ඇති අතර නිෂ්පාදකයන් පවසන්නේ මෙම චිත්‍රපටය ෂේන් වෝන්ට උපහාරයක් බවයි.
පසුගිය මාර්තු මාසයේදී තායිලන්තයේ නිවාඩුවක් ගත කිරීම සඳහා ගොස් සිටින අතරතුරදී ඇතිවූ හෘදයාබාධයකින් ෂේන් වෝන් මරණයට පත්වන විට 52 හැවිරිදි වියෙහි පසුවුණා.
