ක්වීන්ස්ලන්ඩ් විශ්ව විද්යාලයේ සිසුන් වෙනුවෙන් පළකරන ලද සගරාවක අඩංගු ලිපියක් සම්බන්ධයෙන් දැඩි විරෝධයක් එල්ල වී තිබෙනවා.
වෙළඳසැල්වලින් භාණ්ඩ සොරාගන්නේ කෙසේද යන්න පිළිබඳවයි එම ලිපියට අන්තර්ගතවී ඇත්තේ.
ඉහළ යන ජිවන වියදමට විකල්පයක් ලෙස සොරකම් කිරීමට යොමුවීමෙහි වරදක් නැතැයිද එමගින් අවධාරණය කර තිබෙනවා.
මෙම ලිපිය පිළිබඳ පක්ෂ විපක්ෂ අදහස් මතුවී ඇති අතර ක්වීන්ස්ලන්ඩ් ප්රාන්ත අධ්යාපන අමාත්යවරයා මෙන්ම ඡායා අධ්යාපන අමාත්යවරයාද මෙම ලිපියට පළකර ඇත්තේ දැඩ විරෝධයක්.
එහෙත් නාගරික කවුන්සිල කිහිපයක නියෝජිතයන් පවසා ඇත්තේ සැබෑ ගැටලුව වන ජීවන වියදම පාලනය කලේ නම් කිසිවෙකුත් භාණ්ඩ සොරා ගැනීමකට යොමු නොවනු ඇති බවයි.
පසුගියදා නිකුත් වූ වාර්තාවක දැක්වුණේ ඔස්ටේරලියානුවන් අතුරින් 1/5 ක් ම පසුගිය මාස 12 තුළදී තුමන හෝ වෙළඳසැල් වංචාවකට සම්බන්ධ බවයි.
