ක්වීන්ස්ලන්ඩ් ප්‍රාන්තය පෞද්ගලික සෞඛ්‍ය සේවකයින් සඳහා අනිවාර්ය COVID-19 එන්නත් අවශ්‍යතා ඉවත් කර ඇත.
කෙසේ වෙතත්, aged care සහ disability care මධ්‍යස්ථානවල සේවකයින් සඳහා තවදුරටත් එන්නත්කරණ අවශ්‍යතා බලාත්මක වනු ඇති.
මුල් COVID-19 ප්‍රභේදය සහ BA.1 Omicron ප්‍රභේදය ඉලක්ක කරන Moderna’s bivalent COVID-19 එන්නත ඔස්ට්‍රේලියානු ඖෂධ හා චිකිත්සක අධිකාරිය විසින් තාවකාලිකව අනුමත කර ඇත.
මෙම බූස්ටර් මාත්‍රාව වයස අවුරුදු 18 සහ ඊට වැඩි පුද්ගලයින් සඳහා භාවිතා කළ හැක.
කුලී රථවල ඇතුළු පොදු ප්‍රවාහනයේදී මුව ආවරණ නීති ඉවත් කළ පළමු ප්‍රාන්තය බවට බටහිර ඔස්ට්‍රේලියාව පත් වී ඇත.
මෙම නව වෙනස්කම් සැප්තැම්බර් 9 සිට බලාත්මක වනු ඇත.
කෙසේ වෙතත්, රෝහල්, බන්ධනාගාර සහ aged care සහ disability care මධ්‍යස්ථාන වැනි ඉහළ අවදානම් සහිත ස්ථානවල මුව ආවරණ පැළඳීමට තවමත් අවශ්‍ය වේ.
-SBS-
