ඔස්ටේ්‍රලියාවේ විරැකියා අනුපාතය ජූලි මාසයේදී සියයට 0.1 කින් පහළ ගොස් තිබෙනවා.
සංඛ්‍යාලේඛණ කාර්යාංශය නිකුත් කල වාර්තාවක දැක්වෙන්නේ පසුගිය ජූනි මාසයේ එය සියයට 3.5 ක් ලෙස පැවති අතර ජූලි මාසයේදී එය සියයට 3.4 ක් දක්වා පහළ ගොස් ඇති බවයි.
1974 වසරෙන් පසු ඔස්ටේ්‍රලියාවේ විරැකියා අනුපාතය මෙතරම් අඩුම අගයක් සටහන් කල අවස්ථාව ලෙසයි මෙය සැළකෙන්නේ.
කෙසේවෙතත් ජූලි මාසය තුළදී 41,000 කට ආසන්න පිරිසකට රැකියා අහිමිවී ඇති අතර බිහිවී ඇති නව රැකියා සංඛ්‍යාව 20,000 ඉක්මවා ගොස් තිබෙනවා.
මේ අතර අවුරුදු 15 ත් 24 ත් අතර තරුණ කාණ්ඩයේ රැකියා නියුක්තිය ජූලි මාසයේදී සියයට 0.7 කින් පමණ ඉහළ ගොස් ඇති අතර එය යහපත් ප්‍රවණතාවයක් බවයි සංඛ්‍යාලේඛණ කාර්යාංශය පෙන්වා දෙන්නේ.
