ඉන්දීය රුපියල් කෝටි 200 ක මුදල් වංචා සිදුවීමකට අදාළව ශ්‍රී ලාංකික සම්භවයක් සහිත රංගන ශිල්පින් ජැකලින් ෆර්නැන්ඩස් ද විත්තිකාරියක ලෙස නම් කර තිබෙනවා.
ඉන්දීය කුප්‍රකට ව්‍යාපාරික සුකේෂ් චන්ද්‍රෂේකර් මෙම නඩුවේ පළමු විත්තිකරු වනවා.
දිල්ලි නුවර අධිකරණයකට අද ඉදිරිපත් කල සංශෝධිත චෝදනා පත්‍රයට අනුවයි ජැකලින් ද විත්තිකාරියක ලෙස නම් කර ඇත්තේ.
සුකේෂ් චන්ද්‍රෂේකර් විසින් මුදල් විශුද්ධිකරණ ක්‍රම යටතේ උපයාගත් මුදලින් ජැකලින් ෆර්නැන්ඩස් වෙත අවස්ථා ගණනාවකදී විවිධ ත්‍යාග පිරිනමා ඇති බව විමර්ශනවලදී අනාවරණය වී තිබෙනවා.
ඒවායෙහි වටිනාකම ඉන්දීය රුපියල් කෝටි 06 කට ආසන්න බව සඳහන්.
