ජූනි මාසයෙන් අවසන්වූ මෙම වසරේ 02 වන කාර්තුවේදී ඔස්ටේ්‍රලියාවේ වැටුප් වර්ධන වේගය සියයට 0.7 ක් ලෙස සටහන්වී තිබෙනවා.
කෙසේවෙතත් ඉහළ යන උද්ධමනය හා සැසඳීමේදී එය පහළ අගයක් බවයි සංඛ්‍යාලේඛණ කාර්යාංශය පවසන්නේ.
2021 වසරේ ජූනි මාසයේ සිට මෙම වසරේ ජූනි දක්වා වන වසර සැළකීමේදී වැටුප් වර්ධන වේගය සියයට 2.6 ක් ලෙස සටහන්වී තිබෙනවා.
2014 වසරෙන් පසු මාස 12 ක කාලයක් සැළකීමේදී ඔස්ටේ්‍රලියාවේ සටහන්වූ ඉහළම වැටුප් වර්ධන වේගයද එයයි.
2023 වසරේ මැද භාගය වනවිට අපේක්ෂිත වැටුප් වර්ධන වේගය සියයට 3.5 ක්.
මෙම වසරේ 02 වන කාර්තුවේදී රජයේ රැකියාවලට වඩා පුද්ගලික අංශයේ රැකියාවල වැටුප් වර්ධන වේගය ඉහළ අගයක් ගෙන ඇති බවත් සංඛ්‍යාලේඛණ කාර්යාංශය නිකුත් කල දත්තවල සඳහන්.
