ලබන වසරේදී ඔස්ටේ්රලියාවේ නිවාස මිළ ගණන් සියයට 20 කින් පමණ පහළ යනු ඇති බවට ANZ බැංකුව විශ්වාසය පළකරනවා.
2024 වසර වනවිට එය තවත් පහළ යනු ඇති බවටත් ඔවුන් අනාවැකි පළකර සිටිනවා.
සෑම ප්රාන්තයතකම ප්රධාන නගරවල නිවාස මිළ ගණන් සංසන්දනය කර ANZ බැංකුව විසින් පළකර ඇති පුරෝකථන වාර්තාවකයි මේ බව දැක්වෙන්නේ.
ඉදිරි මාස කිහිපයේදීත් උද්ධමනය වැඩිවනු ඇති නමුත් 2023 වසරේ මැද භාගය වනවිට එය යථා තත්වයට පත්වනු ඇති බවයි පසුගියදා නිකුත් වූ වාර්තාවක සඳහන් වූයේ.
මේ අතර අඛණ්ඩව 05 වන මාසයටත් සැප්තැම්බර් මාසයේදීත් පොළී අනුපාත ඉහළ දැමීමට සංචිත බැංකුව කටයුතු කරනු ඇති බවටත් ANZ බැංකුව අනාවැකි පළකරනවා.
මේ වනවිට ඔස්ටේ්රලියාව තුළ සාමාන්ය නිවසක වටිනාකම සටහන් වන්නේ ඩොලර් මිලියන 1.065 ක් ලෙසයි.
එය පසුගිය කාර්තුවට සාපේක්ෂව සියයට 0.9 ක පහළයාමක්.
https://twitter.com/ANZ_Research/status/1559336897096327168?s=20&t=-PLwOTTJ4r_CqigMz5LInQ